గాలి సోదరుడు కరుణాకర్ రెడ్డికి సిబిఐ నోటీసులు

హైదరాబాద్: కర్నాటక మాజీ మంత్రి, గాలి జనార్ధన్ రెడ్డి సోదరుడు గాలి కరుణాకర్ రెడ్డికి సెంట్రల్ బ్యూరో ఆఫ్ ఇన్వెస్టిగేషన్(సిబిఐ) అధికారులు నోటీసులు జారీ చేశారు. బెంగళూరులో ఉన్న ఆయనకు సిబిఐ అధికారులు నోటీసులు జారీ చేశారు. ఈ నెల 16వ తేదిన హైదరాబాదులోని నాంపల్లిలో గల సిబిఐ కార్యాలయంలో అధికారుల ముందు హాజరు కావాలని ఆదేశించారు. ఓబుళాపురం మైనింగ్ అక్రమాలపై సిబిఐ అధికారులు కరుణాకర్ రెడ్డిని ప్రశ్నించనున్నారు. కాగా ఇప్పటికే ఆయన సోదరుడు గాలి కరుణాకర్ రెడ్డిని, ఓఎంసి డైరెక్టర్ శ్రీనివాస్ రెడ్డిని సిబిఐ అధికారులు కస్టడీలోకి తీసుకొని విచారిస్తున్నారు.

గత నెల 29వ తేదిన గాలి జనార్ధన్ రెడ్డిని అరెస్టు చేసిన సిబిఐ అధికారులు బళ్లారి నుండి నేరుగా హైదరాబాదు సిబిఐ కార్యాలయానికి తరలించడం, ఆ తర్వాత నాంపల్లి ప్రత్యేక కోర్టులో హాజరుపర్చడం తెలిసిందే. ఇటీవల ప్రత్యేక కోర్టు గాలి జనార్ధన్ రెడ్డి బెయిలు పిటిషన్‌కు నిరాకరిస్తూ సిబిఐ కస్టడీకి అప్పగించిన విషయం తెలిసిందే. ఈ నెల 19వ తేది వరకు గాలి, శ్రీనివాస్ రెడ్డి సిబిఐ కస్టడీలో ఉంటారు. తన కస్టడీపై బుధవారం గాలి హైకోర్టును కూడా ఆశ్రయించారు.

English summary

CBI officers issued notice to former Karnataka minister Gali Karunakar Reddy.