అసెంబ్లీ గేట్లకు తెలంగాణ - టిడిపి తాళాలు

హైదరాబాద్: తెలంగాణ సకల జనుల సమ్మెకు మద్దతుగా తెలుగుదేశం పార్టీ తెలంగాణ నేతలు గురువారం వినూత్నమైన కార్యక్రమాన్ని చేపట్టారు. శాసనసభ గేట్లకు తాళాలు వేశారు. ఈ సమయంలో పోలీసులు వారిని అడ్డుకోవడానికి ప్రయత్నించారు. ఈ సందర్భంలో ఇరు పక్షాల మధ్య తోపులాట చోటు చేసుకుంది. ఎట్టకేలకు పోలీసులు తెలుగుదేశం నాయకులు వేసిన తాళాలను పోలీసులు తీశారు. సకల జనుల సమ్మెకు మద్దతుగా ప్రతి రోజూ ఏదో కార్యక్రమం చేప్టటాలనే నిర్ణయంలో భాగంగా తెలంగాణ తెలుగుదేశం నాయకులు గురువారం ఈ కార్యక్రమాన్ని తీసుకున్నారు.

బుధవారంనాడు తెలుగుదేశం తెలంగాణ ఫోరం ఆధ్వర్యంలో తెలంగాణ నేతలు సచివాలయాన్ని ముట్టడించిన విషయం తెలిసిందే. దాంతో పోలీసులు వారిని అరెస్టు చేశారు. తెలంగాణ రాష్ట్ర సమితి (తెరాస), తెలంగాణ జెఎసి ఇచ్చిన పిలుపు మేరకు మూడో రోజు గురువారం కూడా తెలంగాణలో సకల జనుల సమ్మె జరుగుతోంది. సింగరేణి బొగ్గు గనుల్లో ఉత్పత్తి ఆగిపోయింది. రెండో రోజు సినిమా హాళ్లు మూతపడ్డాయి. పలు చోట్ల ర్యాలీలు, ప్రదర్శనలు నిర్వహించారు.

English summary

Telugudesam Telangana leaders locked Assembly gates in a support of Telangana strike.