బాలయ్య పోటీపై తెలంగాణ టిడిపి భిన్నస్వరాలు
రెండు రోజుల క్రితం టిడిపి సీనియర్ శాసనసభ్యుడు జైపాల్ యాదవ్ మాట్లాడుతూ తాము ప్రస్తుతం బాలయ్య కోసం రాజీనామా చేసి ఆహ్వానించే స్థితిలో లేమని చెప్పారు. అయితే ఇదే తెలంగాణ ప్రాంతానికి చెందిన సీనియర్ ఎమ్మెల్యేలు ఎర్రబెల్లి దయాకర రావు, కొత్తకోట దయాకర్ రెడ్డి మాత్రం అందుకు భిన్నంగా గురువారం స్పందించారు. బాలకృష్ణ, జూనియర్ ఎన్టీఆర్ ఇద్దరూ తెలంగాణ బిడ్డలే అని, వారు తెలంగాణ ప్రాంతంలో పోటీ చేస్తానంటే స్వాగతిస్తామని ఎర్రబెల్లి అన్నారు. మహబూబ్ నగర్ జిల్లా ఎమ్మెల్యే కొత్తకోట మరో అడుగు ముందుకేసి బాలయ్య పోటీ చేస్తానంటే తాను గాని, తన భార్య గాని నియోజకవర్గాన్ని త్యాగం చేయడానికి సిద్ధంగా ఉన్నామని చెప్పారు. ఎన్టీఆర్, చంద్రబాబు, బాలయ్యలను ఓ ప్రాంతానికి చెందిన వారుగా చూడవద్దని కోరారు.
Comments
balakrishna errabelli dayakar rao kothakota dayakar reddy jaipal yadav hyderabad బాలకృష్ణ ఎర్రబెల్లి దయాకర్ రావు కొత్తకోట దయాకర్ రెడ్డి జైపాల్ యాదవ్ హైదరాబాద్
English summary
It seems, differences in Telangana Telugudesam Party on Nandamuri Balakrishna political entry. Senior MLAs Errabelli Dayakar Rao and Kothakota Dayakar Reddy were told they are ready to scarifies their seats for Balayya but Jaipal Yadava told he is not ready.
Story first published: Friday, September 16, 2011, 10:12 [IST]