గాలి ఆడిటర్ అదృశ్యం, అజ్జాతంలో వెళ్లారా?

బెంగళూర్: కర్ణాటక మాజీ మంత్రి, ఓబుళాపురం మైనింగ్ కంపెనీ అధినేత గాలి జనార్దన్ రెడ్డి మహిళా ఆడిటర్ అదృశ్యమైనట్లు తెలుస్తోంది. జనార్దన్ రెడ్డి ఆర్థిక లావాదేవీలను, సంస్థ లెక్కలను చూసే ఆమె అజ్ఞాతంలోకి వెళ్లినట్లు తెలుస్తోంది. బళ్లారిలోని కాళమ్మవీధిలో ఉంటున్న ఆ మహిళా ఆడిటర్ గత కొంత కాలంగా గాలి జనార్దన్ రెడ్డి గణాంకాలు నిర్వహించేవారని ఓ మీడియాలో వార్త వచ్చింది. జులై చివరో విడుదలైన లోకాయక్తు నివేదికలో అక్రమ గనులపై గాలి సోదరులపై అభిశంసన రావడంతో ఆమె కనిపించకుండా పోయినట్లు చెబుతున్నారు.

పెద్ద యెత్తున సాగే గాలి జనార్దన్ రెడ్డి ఆర్థిక లావాదేవీల గురించి ఆ ఆడిటర్‌కు పూర్తిగా తెలుసునని అంటున్నారు. గాలి జనార్దన్ రెడ్డి నివాసంలో సోదాలు, ఆయన అరెస్టు నేపథ్యంలో సిబిఐ అధికారులు తనను విచారిస్తారనే భయంతో ఆమె బయటకు అడుగు పెట్టలేదని చెబుతున్నారు. ఆ ఆడిటర్ ప్రధాన కార్యాలయం కర్ణాటక రాజధాని బెంగళూర్‌లో ఉండగా, బళ్లారిలో ఓ శాఖ ఉందని సమాచారం. ఆమె విదేశాలకు పారిపోయి ఉండవచ్చునని అనుమానాలు వ్యక్తం చేస్తున్నారు.

English summary

According to media reports - Gali Janardhan Reddy's woman auditor was missing from long back from Bellary.