రాజీనామాలు ఫ్యాషన్ అయ్యాయి: రఘువీరా రెడ్డి

By Srinivas

Published: Friday, September 16, 2011, 12:03 [IST]

తిరుపతి/రాజమండ్రి: రాజీనామాలు చేయడం ఫ్యాషన్‌గా మారిపోయిందని మంత్రి రఘువీరా రెడ్డి శుక్రవారం తిరుపతి పర్యటనలో తీవ్ర అసంతృప్తి వ్యక్తం చేశారు. అనంతపురం జిల్లా తెలుగుదేశం పార్టీ శాసనసభ్యులు ఇద్దరు తమకు ప్రాతినిధ్యం ఇవ్వడం లేదని ఆరోపిస్తూ రాజీనామా బెదిరింపులు చేస్తామని హెచ్చరించిన విషయం తెలిసిందే. ఇటీవల తెలంగాణ ప్రజా ప్రతినిధుల రాజీనామాలు, వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం శాసనసభ్యుల రాజీనామాలు, తాజాగా అనంతపురం జిల్లాల రాజీనామాల బెదిరింపుల నేపథ్యంలో ఆయన అసంతృప్తి వ్యక్తం చేశారు. అనంతపురం జిల్లా టిడిపి ఎమ్మెల్యేల రాజీనామా వారి విజ్ఞతకే వదిలేస్తున్నానని చెప్పారు.

సమ్మెలతో ప్రజలు ఇబ్బందులు ఎదుర్కొంటున్నారన్నారు. ప్రజల ప్రాణాలు పోతే బాధ్యులెవరని ప్రశ్నించారు. సమ్మె చేస్తున్న ఉద్యోగులపై ఎస్మా ప్రయోగం తప్పుకాదని మరో మంత్రి పితాని సత్యనారాయణ శుక్రవారం పశ్చిమ గోదావరి జిల్లాలో అన్నారు. టిఎన్జీవో ఉద్యోగులపై ముఖ్యమంత్రి కిరణ్ కుమార్ రెడ్డి నిర్ణయాన్నిసమర్థిస్తున్నట్టు చెప్పారు.

Published On September 16, 2011