షూ ట్రేడర్ పేరు మీద అజర్ తనయుడి సూపర్ బైక్

హైదరాబాద్: పార్లమెంటు సభ్యుడు మొహ్మద్ అజరుద్దీన్ తనయుడి ప్రాణాలు తీసిన సుజ్కీ జిఎస్ఎక్ ఆర్1000 బైక్ హైదరాబాదులోని పాతబస్తీకి చెందిన ఓ మామూలు షూ ట్రేడర్ పేరు మీద రిజిష్టర్ అయినట్లు వార్తలు వచ్చాయి. ఆదాయం పన్ను శాఖ అధికారుల దృష్టి నుంచి తప్పించుకోవడానికి అజర్ ఆ బైక్‌ను షూ ట్రేడర్ పేరు మీద రిజిష్టర్ చేయించారా అనే కోణం నుంచి అధికారులు పరిశీలన జరుపుతున్నారు. ఈ సూపర్ బైక్‌ను న్యూఢిల్లీలోని లజపత్ నగర్ బిట్టూ బైక్ వాలా 88 శాతం పన్నుతో 5.27 లక్షల రూపాయలకు జపాన్‌లోని నగోయా నుంచి 2010 జులైలో దిగుమతి చేసుకున్నట్లు ఓ ప్రముఖ ఆంగ్ల దినపత్రిక రాసింది.

ఆ పత్రిక కథనం ప్రకారం - ఆ బైక్‌ను హైదరాబాదులోని మల్లేపల్లిలో గల ఫజల్ సాగర్‌కు చెందిన సయ్యద్ అథేర్ 2010 డిసెంబర్ 23వ తేదీన 13 లక్షల 12 వేల 649 రూపాయలకు కొనుగోలు చేశాడు. అయితే, బైక్ డీలర్ నుంచి వాస్తవానికి ఆజర్ ఆ బైక్‌ను కొన్నాడని చెబుతున్నారు. యాజమాన్య పత్రాలను పరిశీలించడానికి పోలీసులు శుక్రవారం అథేర్ అలీ ఇచ్చిన చిరునామాకు వెళ్లారు. అయితే, అతను ఇంట్లో లేడు. శుక్రవారం ఉదయం ఆయాజుద్దీన్ జన్‌ఝాలో పాల్గొనడానికి మక్కా మసీదుకు వెళ్లాడని తెలిసింది.

మక్కా మసీదుకు వెళ్లిన పోలీసులు ఆ బైక్ అథేర్ అలీదని తేల్చుకున్నారు. ధ్రువపత్రాలను శనివారం అందజేస్తానని అతను పోలీసులకు చెప్పాడు. తాను కాన్పూర్‌కు చెందినవాడినని, అజర్ కుటుంబ స్నేహితుడినని అతను చెప్పాడు. తాను ఆఘాపూరలో నోబుల్ ఫుట్‌వియర్ దుకాణం నడుపుతున్నట్లు కూడా అతను తెలిపాడు.

English summary

The Suzuki GSX R1000 which took the life of Azharuddin's son Ayazuddin was registered in the name of a petty footwear trader from the Old City in Hyderabad. Officials are checking if Azhar had bought the bike in the merchant's name to avoid attention of I-T officers.