తెలంగాణ న్యాయవాదుల తీరు తప్పుపట్టిన హైకోర్టు జడ్జి

By Srinivas

Published: Sunday, September 18, 2011, 13:14 [IST]

విజయవాడ: హైకోర్టు ప్రధాన న్యాయమూర్తి నిసార్ అహ్మద్ కక్రూ తెలంగాణ న్యాయవాదుల తీరును ఆదివారం విజయవాడలో తప్పుపట్టారు. తెలంగాణ ప్రాంత లాయర్లు కోర్టు విధులు బహిష్కరించడం సరికాదన్నారు. అలా చేయడం వల్ల కక్షిదారులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. సమస్య ఏదైనప్పటికీ రాజ్యాంగ బద్దంగా పరిష్కరించుకునే ప్రయత్నం చేయాలని సూచించారు.

ఇలాంటి తీరు వల్ల న్యాయవ్యవస్థ దెబ్బతినేలా ఉందన్నారు. తెలంగాణ అంశంపై కేంద్రానికి తాను ఎలాంటి సిఫార్సు చేయలేదని చెప్పారు. కాగా గత ఆరు రోజులుగా ప్రత్యేక తెలంగాణ రాష్ట్ర ఉద్యమంలో భాగంగా తెలంగాణ ప్రాంత న్యాయవాదులు హైకోర్టు విధులను బహిష్కరిస్తున్న విషయం తెలిసిందే. తెలంగాణలోని జిల్లాల్లోనూ కోర్టు విధులను న్యాయవాదులు బహిష్కరించారు.

Published On September 18, 2011