నెలాఖరులోగా తెలంగాణ: జానారెడ్డి సంచలన ప్రకటన

By Srinivas

Published: Sunday, September 18, 2011, 15:56 [IST]

నల్గొండ: తెలంగాణ అంశంపై మంత్రి జానారెడ్డి ఆదివారం సంచలన ప్రకటన చేశారు. ఈ నెలాఖరులోగా తెలంగాణ అంశంపై కేంద్రం స్పష్టమైన నిర్ణయం తీసుకుంటుందని ఆయన నల్గొండ జిల్లాలో అన్నారు. నెలాఖరులోగా ప్రకటన వెలువడే అవకాశముందన్నారు. ఏఐసిసి అధ్యక్షురాలు సోనియా గాంధీ ఇటీవల అనారోగ్యంగా ఉండటం తదితర కారణాల వల్ల అపాయింటుమెంట్ దొరకలేదన్నారు. కాంగ్రెసు పార్టీ అధిష్టానం దృష్టికి తెలంగాణ సెంటిమెంట్‌ను తీసుకు వెళతామన్నారు.

సకల జనుల సమ్మెలో పాల్గొన్న ఉద్యోగులకు ఎలాంటి నష్టం కలగకుండా చూసుకుంటామని చెప్పారు. సమ్మెలు చేయడం తప్పుకాదన్నారు. కాగా అంతకుముందు నల్గొండ జిల్లా చౌటుప్పల్‌లో జానారెడ్డి తెలంగాణవాదులు అడ్డుకున్నారు. వెంటనే రాజీనామా చేయాలని డిమాండ్ చేశారు. అయితే పోలీసుల సహాయంతో ఆయన తెలంగాణవాదుల ఘెరావ్ నుండి బయటపడ్డారు.

Published On September 18, 2011