శామ్‌పిట్రోడా, మూర్తి ఆధ్వర్యంలో 'రీసర్జెంట్‌ బెంగాల్‌'

By Nageswara Rao

Published: Sunday, September 18, 2011, 16:55 [IST]

కోలకతా: పశ్చిమబెంగాల్‌ను టాప్‌ టెక్నాలజీ ఇన్వెస్ట్‌మెంట్‌ హబ్‌గా ఏర్పాటు చేసేందుకు ఒక కోర్‌ కమిటీ సమావేశం ఏర్పాటు కాబోతోంది. ఈ కమిటీకి ఐటీ హెడ్‌ శామ్‌పిట్రోడా, ఇన్ఫోసిస్‌ వ్యవస్థాపకుడు నారాయణమూర్తి వ్యవహరిస్తారు. ఈ కమిటీ ఐటీ రంగానికి కావాల్సిన మౌలికసదుపాయంతో పాటు నిపుణులను ఎంపిక చేస్తారు. పశ్చిమ బెంగాల్‌లో ప్రస్తుతం ఐటీ రంగంలో ఏర్పడిన గందరగోళం నుంచి బయటపడేందుకు కోర్‌ గ్రూపు తమ సూచనలు సలహాలు ఇస్తుందని ఈ రంగానికి కావాల్సిన నిపు ణులు, మౌలికసదుపాయల గురించి తమ కోర్‌ కమిటీ సహా యపడుతుందని పరిశ్రమలు ఐటీ రంగానికి చెందిన మంత్రి పార్థా చటర్జీ ఇక్కడ విలేకరులతో చెప్పారు.

వామపక్షం ప్రభుత్వం రాష్ట్రంలో ఐటీరంగాన్ని నిర్లక్ష్యం చేసిందని ఐటీ శాఖ మంత్రి ఆరోపించారు. ప్రపంచస్థాయి ఐటీ మౌలిక సదుపాయాలను ఈ రంగంలోకి తీసుకువస్తామని ఆయన చెప్పారు. తమ ప్రభుత్వం దేశంలోనే ఐటీ రంగంలో అగ్ర స్థానంలో ఉండేందుకు కృషి చేస్తుందన్నారు. రాష్ట్రప్రభుత్వం హార్డ్‌వేర్‌, సాఫ్ట్‌వేర్‌ రంగాలను అభివృద్ధి చేస్తుందని దీనికి కోర్‌ గ్రూపు సూచనలు సలహాలు ఇస్తుందన్నారు. ఈ ప్రాజెక్టును 'రీసర్జెంట్‌ బెంగాల్‌' అని నామకరణం చేశామని చెప్పారు. ఈ కమిటీ మీటింగ్‌ శనివారం వీడియో కాన్ఫరెన్స్‌ ద్వారా జరిగింది. నాస్కామ్‌ చీఫ్‌ కిరణ్‌ కార్నిక్‌ కూడా వీడియో కాన్ఫరెన్స్‌లో పాల్గొన్నారు.

Published On September 18, 2011