అసహజమైన సెక్స్ కోరిక వల్ల భర్తను చంపిన భార్య

By Pratap

Published: Monday, May 28, 2012, 18:56 [IST]

బోపాల్: అసహజమైన సెక్స్ కావాలని డిమాండ్ చేసిన భర్తను ఓ మహిళ కొట్టి చంపింది. పెద్ద బండతో తలపై మోది 30 ఏళ్ల మహిళ తన భర్తను హత్య చేసింది. ఈ సంఘటన మధ్యప్రదేశ్‌ రాష్ట్రంలోని పత్తకేడా కోల్ ప్రాంతంలో గల సామినగర్‌లో జరిగింది. పత్తేకేడా పోలీసులు ఈ విషయాన్ని సోమవారం చెప్పారు. అనిత అనే మహిళ గత రాత్రి భర్త రామ్‌చరణ్‌ను హత్య చేసింది.

భర్తను చంపిన తర్వాత ఆమె తన ఇద్దరు మైనర్ పిల్లలతో కలిసి పోలీసు స్టేషనుకు వెళ్లి తన నేరాన్ని అంగీకరించింది. తన డిమాండ్‌ను అంగీకరించకపోవడంతో తన భర్త తనను విపరీతంగా కొట్టాడని, బండ చేతుల్లోకి తీసుకుని చంపేస్తానని బెదిరించడాని, ఆ బండను తాను లాక్కుని అతన్ని చంపానని ఆమె వివరించింది. అతని మొబైల్‌లో కింకీ వీడియో క్లిప్పింగులు ఉన్నాయని అనిత పోలీసులకు చెప్పింది. రామ్‌చరణ్ మృతదేహాన్ని పోలీసులు పోస్టుమార్టం నిమిత్తం పంపించారు. అనితను అదుపులోకి తీసుకున్నారు.

Published On May 28, 2012