కెసిఆర్, రాములమ్మలపై కర్నూలు పిఎస్‌లో ఫిర్యాదు

By Srinivas

Published: Tuesday, September 20, 2011, 13:36 [IST]

కర్నూలు: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుతో సహా పలువురిపై కర్నూలు జిల్లా పట్టణ కేంద్రంలోని టూటౌన్ పోలీసు స్టేషన్‌లో రాయలసీమ న్యాయవాదుల సంఘం ఫిర్యాదు చేసింది. పార్టీ అధ్యక్షుడు కెసిఆర్, పార్లమెంటు సభ్యుడు విజయశాంతి, సిద్దిపేట శాసనసభ్యుడు హరీష్ రావు, సిరిసిల్ల శాసనసభ్యుడు కల్వకుంట్ల తారక రామారావు, తెలంగాణ రాజకీయ ఐక్య కార్యాచరణ సమితి చైర్మన్ కోదండరాంపై రాయలసీమ న్యాయవాదుల సంఘం ఫిర్యాదు చేసింది. ప్రాంతాల మధ్య చిచ్చు పెట్టే ప్రయత్నం చేస్తున్నారని ఆరోపించారు.

సమ్మె, ఆందోళనల ద్వారా రాష్ట్ర ఆర్థిక వ్యవస్థను దెబ్బ తీయాలని చూస్తున్నారని ఆరోపించారు. వారంతా కలిసి రెచ్చగొట్టే వ్యాఖ్యలు చేస్తూ విద్యార్థులను, యువకులను బలిదానాలకు ప్రేరేపిస్తున్నారని పోలీసులకు ఫిర్యాదు చేశారు. కాగా కెసిఆర్ దీక్ష దీక్షపై సమాలోచనలు జరుగుతున్నట్టుగా తెలుస్తోంది. జాతిపిత మహాత్మా గాంధీ, ప్రపంచ అహింసా దినోత్సవం అయిన అక్టోబర్ 2వ తేదిన తన దీక్షను ప్రారంభించే అవకాశం ఉందని టిఆర్ఎస్ వర్గాలు భావిస్తున్నట్లు సమాచారం.

Published On September 20, 2011