కెసిఆర్‌తో కేశవరావు భేటీ, దీక్షపైనే మంతనాలు

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావును మంగళవారంనాడు కాంగ్రెసు తెలంగాణ ప్రాంత సీనియర్ నేత కె. కేశవరావు కలిశారు. కెసిఆర్ మళ్లీ నిరవధిక నిరాహార దీక్ష చేపడుతారని వార్తలు వస్తున్న నేపథ్యంలో ఈ భేటీకి ప్రాధాన్యం చేకూరింది. కేశవరావు కెసిఆఆర్ నివాసానికి వచ్చి మంతనాలు జరిపారు. కెసిఆర్ చేపట్టబోయే దీక్షపైనే వారిద్దరి మధ్య చర్చలు జరిగినట్లు సమాచారం. అయితే, అధికారికంగా ఏ విధమైన సమాచారం వెల్లడి కాలేదు.

భేటీ తర్వాత కేశవరావు మీడియాతో మాట్లాడకుండానే వెళ్లిపోయారు. కెసిఆర్ కూడా మీడియాతో ఏమీ మాట్లాడలేదు. కేశవరావును సాగనంపి ఆయన నేరుగా ఇంట్లోకి వెళ్లిపోయారు. ఆ తర్వాత విద్యుత్ ఉద్యోగుల సమ్మె కార్యక్రమానికి బయలుదేరి వెళ్లారు. దేనిపై చర్చలు జరిగాయనేది, ఎందుకు జరిగాయనేది తెరాస నాయకులు కూడా స్పష్టంగా చెప్పలేకపోతున్నారు. చర్చల్లో కెసిఆర్, కేశవరావు మినహా మరెవరూ లేరు.

English summary

Congress Telangana region leader K Keshav Rao met TRS president K Chandrasekhar Rao.