రఘువీరాపై చెప్పులు, రోడ్డు పైనే మంత్రి బైఠాయింపు

By Srinivas

Published: Tuesday, September 20, 2011, 14:30 [IST]

అనంతపురం: మంత్రి రఘువీరా రెడ్డికి మంగళవారం సొంత జిల్లాలో చేదు అనుభవం ఎదురయింది. తెలుగుదేశం, వైయస్సార్సీ పార్టీ కార్యకర్తలు ఆయన కాన్వాయ్‌పై చెప్పులు విసిరడంతో పరిస్థితి ఉద్రిక్తంగా మారింది. అనంతపురం జిల్లాలోని బుక్కపట్నంలో మంగళవారం రఘువీరా రెడ్డి పర్యటిస్తున్నారు. పర్యటనలో తెలుగుదేశం, వైయస్సార్సీ పార్టీ కార్యకర్తలు, రైతులు ఆయనను అడ్డుకున్నారు. రైతుల సమస్యలు పరిష్కరించాలని డిమాండ్ చేశారు. రఘువీరా కాన్వాయ్ ముందు బైఠాయించారు.

ఆయన కాన్వాయ్‌పై ఆందోళనకారులు చెప్పులు విసిరారు. దీంతో కాంగ్రెసు, టిడిపి, వైయస్సార్సీ పార్టీ కార్యకర్తల మధ్య తోపులాట జరిగింది. పరిస్థితి ఉద్రిక్తంగా మారడంతో పోలీసులు కలుగజేసుకొని ఇరువర్గాలను చెదరగొట్టారు. అనంతరం మంత్రి రఘువీరా రెడ్డి రోడ్డుపై బైఠాయించడం కొసమెరుపు.

Published On September 20, 2011