తెలంగాణ లొల్లి: హైదరాబాదులో రాహుల్ దూత

By Pratap

Published: Tuesday, September 20, 2011, 12:24 [IST]

హైదరాబాద్: తెలంగాణ సకల జనుల సమ్మె ఉధృతమవుతున్న నేపథ్యంలో ఎఐసిసి ప్రధాన కార్యదర్శి, కాంగ్రెసు అధ్యక్షురాలు సోనియా గాంధీ తనయుడు రాహుల్ గాంధీ దూతగా ఎఐసిసి కార్యదర్శి దీపక్ బబారియా హైదరాబాదు వచ్చారు. ఆయన సోమవారం నుంచి హైదరాబాదులోనే ఉన్నారు. యువజన కాంగ్రెసు వ్యవహారాలపై, తెలంగాణ విషయంపై పరిశీలన కోసం బబారియా హైదరాబాదు వచ్చినట్లు చెబుతున్నప్పటికీ ప్రధానంగా తెలంగాణ అంశంపై పరిశీలన జరపడానికే వచ్చినట్లు తెలుస్తోంది.

కాంగ్రెసులో తెలంగాణ ఉద్యమానికి నేతృత్వం వహిస్తున్న రాజ్యసభ సభ్యుడు కె. కేశవరావును ఆయన కలిశారు. కేశవరావుతో ఆయన ప్రధానంగా తెలంగాణపై చర్చించినట్లు సమాచారం. ఆ తర్వాత ఆయన ముఖ్యమంత్రి కిరణ్ కుమార్ రెడ్డితో ఆయన సమావేశమయ్యారు. తెలంగాణపై వాస్తవ పరిస్థితులను తెలుసుకోవడానికే దీపక్ బబారియా వచ్చినట్లు చెబుతున్నారు. రాష్ట్ర పరిస్థితిపై ఆయన ముఖ్యమంత్రి నుంచి సమాచారం కోరినట్లు తెలుస్తోంది.

Published On September 20, 2011