3 ఇడియట్స్ సినిమా నాకెంత ఇష్టమో: చంద్రబాబు

By Pratap

Published: Wednesday, September 21, 2011, 19:26 [IST]

నెల్లూరు: తనకు 3 ఇడియట్స్ సినిమా ఎంతో ఇష్టమని తెలుగుదేశం పార్టీ అధ్యక్షుడు నారా చంద్రబాబు నాయుడు చెప్పుకున్నారు. నెల్లూరు జిల్లా పర్యనటలో ఉన్న ఆయన బుధవారం విద్యార్థులతో నిర్వహించిన ముఖాముఖి కార్యక్రమంలో తన విద్యార్థి జీవితం గురించి చెప్పకుని మురిసిపోయారు. స్టూడెంట్ లైఫ్‌ను తాను ఎంతో ఎంజాయ్ చేశానని ఆయన అన్నారు. రాజీకయాల్లోకి వచ్చినవారు చదువు లేకపోయినా ఎంతో విజ్ఝతతో మాట్లాడుతారని ఆయన అన్నారు. యువత రాజకీయాల్లోకి రావాలని సూచించారు.

రాజకీయాల్లో చేరుతామంటే ఎవరి తల్లిదండ్రులు కూడా అంగీకరించబోరని, రాజకీయాల్లో చేరవద్దని తమ నాన్న తనకు చెబుతూ ఉండేవారని ఆయన అన్నారు. నాన్న మాట విని ఉంటే తాను ఉద్యోగిగానో, అధికారిగానో మిగిలిపోయి ఉండేవాడినని, రాజకీయాల్లోకి రావడం వల్ల ప్రజా సేవ చేసే అవకాశం లభించిందని ఆయన అన్నారు. వచ్చే ఎన్నికల్లో తాము 90 శాతం సీట్లు యువతకు కేటాయిస్తామని ఆయన చెప్పారు. ఏటా తన ఆస్తులను ప్రకటిస్తానని ఆయన చెప్పారు. తాను అధికారంలోకి వస్తే సంక్షేమ పథకాలను కొనసాగిస్తానని ఆయన చెప్పారు.

అవినీతి ఊబిలో కూరుకుపోయిన కాంగ్రెసు పార్టీకి వచ్చే ఎన్నికల్ోల గుణపాఠం నేర్పాలని ఆయన పిలుపునిచ్చారు. అంతకు ముందు ఆయన నెల్లూరులో జరిగిన పార్టీ సర్వసభ్య సమావేశంలో మాట్లాడారు. మద్దతు ధర విషయాన్ని గానీ ధర్మల్ పవర్ ప్రాజెక్టుల గురించి గానీ జిల్లా శాసనసభ్యులు, పార్లమెంటు సభ్యులు పట్టించుకోవడం లేదని ఆయన విమర్శించారు. వచ్చే ఎన్నికల్లో తెలుగుదేశం పార్టీ గెలిచి తీరుతుందని ఆయన దీమా వ్యక్తం చేశారు.

Published On September 21, 2011