అనుష్క, త్రిష....: బెండతోటలో హీరోయిన్లు!

ఏలూరు: సాధారణంగా హీరోయిన్ల ఫోటోలు సినిమా థియేటర్లలో, అభిమానం ఉంటే ఇళ్లలో లేదంటే గోడల పైన చూస్తాం. కానీ గోదావరి జిల్లాలో రైతులు వెరైటీగా తమ పంట పొలాల్లో హీరోయిన్ల ఫోటోలు పెట్టుకున్నారట! పంట పొలాలకు నర దిష్టి తగలకుండా, జంతువులు పంట పొలాలను నాశనం చేయకుండా ఉండటానికి రైతులు దిష్టి బొమ్మలను పెడతారు. కానీ ఈ రైతులు మాత్రం నర దిష్టి తగలకుండా ఏకంగా అనుష్క, త్రిష తదితర హీరోయిన్ల ఫోటోలనే పెద్ద కటౌట్ మాదిరిగా చేసి పెట్టేశారట! విషయమేమంటే బెండకాయ తదితర కూరగాయల పంట పొలాలు రహదారి పక్కనే ఉన్నాయి. అయితే అక్కడి నుండి వెళుతున్న బాటసారులు నరదృష్టి కోసం ఏర్పాటు చేసిన దిష్టి బొమ్మలను లెక్క చేయకుండా కూరగాయలు కోసుకు పోతున్నారట.

దిష్టి బొమ్మలు పెట్టినా కూరగాయలు కోసుకు పోవటంతో ఏం చేయాలో పాలుపోని సదరు రైతుల మదిలో ఓ చక్కని ఉపాయం తట్టిందట! వెంటనే దానిని అమలులో పెట్టారు. దిష్టి బొమ్మల స్థానంలో హీరోయిన్ల బొమ్మలు తీసుకు వచ్చి పెట్టారు. అప్పటి నుండి ఆ దారి వెంట వెళుతున్న బాటసారుల చూపులు హీరోయిన్ల మీద పడి కూరగాయలు కోసుకు వెళ్లడం తగ్గిందట! ఇప్పుడు కూరగాయల కోయకుండా హీరోయిన్ల వైపు గుడ్లప్పగించి చూస్తున్నారట!

English summary

Godavari district farmers put heroines photos like Anushka and Trisha to avoid cutting their vegetables crop.