చిరంజీవి, బొత్స, కిరణ్ మూడు కోతులు: రేవంత్ రెడ్డి

By Srinivas

Published: Monday, September 26, 2011, 16:20 [IST]

హైదరాబాద్: తిరుపతి శాసనసభ్యుడు చిరంజీవి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ, ముఖ్యమంత్రి కిరణ్ కుమార్ రెడ్డి కలిస్తే త్రిమూర్తులు కాదని మూడు కోతులని తెలుగుదేశం పార్టీ శాసనసభ్యుడు రేవంత్ రెడ్డి సోమవారం ఎద్దేవా చేశారు. కాంగ్రెసు పార్టీ చిరంజీవి కలిస్తే 420 అవుతుందన్నారు. విశాఖపట్నంలో కాంగ్రెసు మహా గర్జన పేరిట ఏర్పాటు చేసిన సభ కాంగ్రెసు పార్టీలో ప్రజారాజ్యం పార్టీ విలీన సభ కాదని అదో మలిన సభ అన్నారు. విశాఖ సభ ద్వారా చిరంజీవి హీరో స్థాయి నుండి కమేడియన్ స్థాయికి దిగజారారని మాజీ మంత్రి సోమిరెడ్డి చంద్రమోహన్ రెడ్డి అన్నారు.

గుంటూరు జిల్లాలో వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి కంపెనీలకు కేటాయించిన సున్నపురాయి గనుల లీజు రద్దు చేయాలని డిమాండ్ చేశారు. లీజు రద్దుకు ప్రతిపాదనలు వచ్చినా ముఖ్యమంత్రి ఎందుకు తొక్కి పెడుతున్నారని ప్రశ్నించారు.

Published On September 26, 2011