మత్తుమందు చల్లి గ్యాంగ్ రేప్, నాలుక కోసి పరారీ

By Srinivas

Published: Thursday, September 29, 2011, 10:50 [IST]

గుంటూరు: గుంటూరు జిల్లాలో దారుణం చోటు చేసుకుంది. జిల్లాలోని తెనాలి నందివెలుగులో బస్సు కోసం వేచి చూస్తున్న ఓ మహిళపై కొందరు దుండగులు గ్యాంగ్ రేప్‌కు పాల్పడ్డ సంఘటన గురువారం వెలుగు చూసింది. తెనాలి పట్టణంలోని బస్టాండులో నిలబడి ఆ మహిళ బస్సు కోసం వేచి చూస్తున్న సమయంలో పలువురు దుండగులు ఆమెపై మత్తు మందు చల్లారు. ఆమె స్పృహ కోల్పోవడంతో ఆమెను కిడ్నాప్ చేసి తీసుకెళ్లారు. గుర్తు తెలియని ప్రాంతానికి తీసుకెళ్లి ఆమెపై గ్యాంగ్ రేప్‌కు పాల్పడ్డారు.

అనంతరం ఆమె నాలుక కోసి వేశారు. ఆ తర్వాత ఆ దుండగులు పరారయ్యారు. అయితే అత్యాచారానికి గురైన మహిళ అచేతనావస్థలో పడి ఉండటాన్ని చూసిన స్థానికులు ఆమెను స్థానిక హాస్పిటల్ తరలించారు. వైద్యులు ఆమెకు చికిత్స చేస్తున్నారు. పరారైన నిందితుల కోసం గాలిస్తున్నారు.

Published On September 29, 2011