హెరిటేజ్ ఫుడ్స్‌లో బాలకృష్ణ కూతురు నారా బ్రాహ్మణి

By Pratap

Published: Friday, September 30, 2011, 8:20 [IST]

హైదరాబాద్: హీరో బాలకృష్ణ కూతురు, తెలుగుదేశం పార్టీ అధ్యక్షుడు నారా చంద్రబాబు నాయుడు కోడలు నారా బాహ్మణి హెరిటేజ్ ఫుడ్స్‌లో కీలక బాధ్యతలు నిర్వహించనున్నారు. ఈ కంపెనీకి చంద్రబాబు కుమారుడు నారా లోకేష్ ఎగ్జిక్యూటివ్ డైరెక్టర్‌గా వ్యవహరిస్తున్నారు. ఇప్పుడు భార్య ఆయన చేదోడు వాదోడు కానుంది. బిజినెస్ డెవలప్‌మెంట్ బాధ్యతలను నారా బ్రాహ్మణికి అప్పగించారు.

బ్రాహ్మణిని కంపెనీ వైస్ ప్రెసిడెంట్ (బిజినెస్ డెవలప్‌మెంట్) హోదాలో నియమించారు. గురువారం జరిగిన కంపెనీ సర్వసభ్య సమావేశంలో (ఎజిఎం) ఈ మేరకు ఈ తీర్మానం ఆమోదించారు. 2010 - 2011 ఆర్థిక సంవత్సరానికి గాను ఖాతాలను ఎజిఎంలో ఆమోదించడంతో పాటు డివిడెండ్ చెల్లింపు వంటివాటిపై నిర్ణయం తీసుకున్నారు.

Published On September 30, 2011