తెలంగాణ ఇష్యూపై వ్యూహం మార్చిన చంద్రబాబు

హైదరాబాద్: తెలంగాణపై పార్టీలో అంతర్గత చర్చలను కాంగ్రెసు అధిష్టానం ముమ్మరం చేసిన నేపథ్యంలో తెలుగుదేశం పార్టీ అధ్యక్షుడు నారా చంద్రబాబు నాయుడు తన వ్యూహం మార్చారు. రెండు కళ్ల సిద్ధాంతాన్ని వల్లించి, తెలంగాణపై తాను తటస్థుడినని ప్రకటించిన చంద్రబాబు ఇప్పుడు మరో మాట మాట్లాడుతున్నారు. కాంగ్రెసు తెలంగాణ రాష్ట్రాన్ని ఇవ్వాలనుకుంటే తాము ఆటంకం కాదని ప్రజలకు తెలియజేయాలని ఆయన పార్టీ తెలంగాణ నాయకులకు సూచించారు. పార్టీ తెలంగాణ నాయకులతో ఆయన శనివారం టెలీ కాన్ఫరెన్స్ నిర్వహించారు.

కాంగ్రెసు తెలంగాణ ఇవ్వదలిస్తే తాము ఆటంకం కాదంటూనే కాంగ్రెసు, తెలంగాణ రాష్ట్ర సమితి (తెరాస) కుమ్మక్కయ్యాయనే విషయాన్ని కూడా ప్రజల్లోకి సూటిగా తీసుకుని వెళ్లాలని ఆయన తెలంగాణ నాయకులకు సూచించారు. ఢిల్లీ పరిణామాల నేపథ్యంలో తమ కార్యాచరణను రూపొందించుకోవడానికి తెలుగుదేశం తెలంగాణ ఫోరం సమావేశం నిర్వహించాలని ఈ ప్రాంత నాయకులు అనుకున్నారు. వారంతా సమావేశమై భవిష్యత్తు కార్యాచరణను రూపొందించుకోనున్నారు.

English summary

In the wake of Congress high command talks with its state leaders in Delhi, TDP president N Chandrababu Naidu has changed his strategy on Telangana issue.