జీవితంతో సంతృప్తి, టెక్కీ దంపతుల ఆత్మహత్య

By Pratap

Published: Saturday, October 8, 2011, 9:54 [IST]

పానాజీ: పానాజీకి సమీపంలోని మెర్సీస్‌లో గల తమ నివాసంలో టెక్కీ దంపతులు ఆత్మహత్య చేసుకున్నారు. కుళ్లిపోయి కంపు కొడుతున్న వారి శవాలను పాత గోవా పోలీసులు గురువారం రాత్రి స్వాధీనం చేసుకున్నారు. దుర్వాసన వస్తుండడంతో పక్క ఫ్లాట్స్‌లోని వారు పోలీసులకు ఫిర్యాదు చేశారు. దీంతో పోలీసులు వచ్చి, శవాలను స్వాధీనం చేసుకున్నారు. ఆనంద్ (39), దీపా రంతిదేవన్ (36) అనే ఆ సాఫ్ట్‌వేర్ దంపతులు దక్షిణ భారతదేశానికి చెందినవారు. తమ ఫ్లాట్‌లోనే వారు ఉరేసుకుని మరణించారు.

టెక్కీ దంపతులు ఇంగ్లీషులో ఓ సూసైడ్ నోట్ రాసి పెట్టి ఆత్మహత్య చేసుకున్నారు. తమ కలిసిమెలిసి మంచి, సంతృప్తికరమైన జీవితం గడిపామని, తాము ప్రపంచమంతా తిరిగామని, వివిధ దేశాల్లో నివసించామని, తాము చాలా డబ్బు సంపాదించామని, ఇంత సంపాదిస్తామని తాము ఎన్నడూ అనుకోలేదని, తాము వస్తువులు కొనడానికి సాధ్యమైనంత ఎక్కువ ఖర్చు చేశామని, అది తమకు ఎంతో సంతోషం ఇచ్చిందని, తమ జీవితం తమదేనని భావిస్తున్నామని, జీవించడానికి తమకు ఎంత హక్కు ఉందో మరణించడానికి కూడా అంతే హక్కు ఉందని భావిస్తున్నామని వారు ఆ నోట్‌లో రాశారు. తమకు ఆస్తులు గానీ అప్పులు గానీ లేవని వారు అందులో చెప్పారు.

Published On October 8, 2011