అరెస్టుకు ముందు పరారీకి గాలి జనార్దన్ రెడ్డి యత్నం

బెంగళూరు: సిబిఐ చేత అరెస్టును తప్పించుకోవడానికి కర్ణాటక మాజీ మంత్రి గాలి జనార్దన్ రెడ్డి దుబాయ్ పారిపోయేందుకు ప్రయత్నించినట్లు వార్తలు వచ్చాయి. అందుకు ఆయన రెండు పాస్‌పోర్టులు సిద్ధం చేసుకున్నాడు. దుబాయ్‌లో ఎమరేట్స్ పాలక కుటుంబ సభ్యులతో కలిసి ఓ మెగా షాపింగ్ మాల్‌ డీల్‌ను కుదుర్చుకున్నాడని చెబుతున్నారు. సిబిఐ అందుకు సంబందించిన వివరాలను సేకరించింది. బెంగుళూర్ ప్రాంతీయ పాస్‌పోర్టు కార్యాలయం నుంచి ఆయన 2003లో పాస్‌పోర్టును పొందాడు. మరోటి తమిళనాడులోని తిరుచి ప్రాంతీయ పాస్‌పోర్టు కార్యాలయం నుంచి పొందాడు. పేరు, చిరునామా, తల్లి పేరు, పుట్టిన తేదీలను మార్చేసి ఆ పాస్‍పోర్టును పొందడంలో ఆయన ఫలితం సాధించారు.

అక్రమ మైనింగ్ కేసులో మొదటి పాస్‌పోర్టును సిబిఐ అధికారులు స్వాధీనం చేసుకున్న వెంటనే రెండో పాస్‌పోర్టుకు గాలి జనార్దన్ రెడ్డి దరఖాస్తు చేసుకున్నారు. అమెరికాలోని ఫ్లోరిడా సమీవంలో 2009లో కొనుగోలు చేసిన దీవికి పారిపోవాలని గాలి జనార్దన్ రెడ్డి అనుకున్నట్లు తెలుస్తోంది. అరెస్టుతో దుబాయ్‌కి పారిపోయే ప్రయత్నానికి విఘాతం కలిగింది.

English summary

Former minister Janardhan Reddy, under arrest for illegal mining, could face prosecution for possession of two passports, one of which he was planning to use to flee to Dubai.