మాజీ బాయ్‌ఫ్రెండ్, అతని ఫియాన్సీకి నిప్పు పెట్టిన టెక్కీ

పూణే: మాజీ బాయ్‌ఫ్రెండ్‌కు, అతని ఫియాన్సీకి గురువారం ఉదయం బెంగళూర్‌కు చెందిన ఓ మహిళా టెక్కీ నిప్పంటించి హత్యాయత్నానికి పాల్పడినట్లు ఆరోపణలు వచ్చాయి. దీంతో 30 ఏళ్ల ఆ సాఫ్ట్‌వేర్ ఇంజనీర్‌ను అరెస్టు చేయడానికి మహారాష్ట్ర పోలీసులు న్యూఢిల్లీకి, బెంగళూర్‌కు తమ బృందాలను పంపించారు. పూణేలోని వారి ఆపార్ట్‌మెంటులోనే ఆ సాఫ్ట్‌వేర్ ఇంజనీర్ ఈ ఘాతుకానికి పాల్పడింది. దాంతో బెంగళూర్‌కు చెందిన మహిళా టెక్కీ అనుశ్రీ కుంద్రాపై పోలీసులు హత్యా యత్నం కింద కేసు నమోదు చేశారు.

27 ఏళ్ల నిమేష్ సిన్హా రమేష్‌నందన్ 10 శాతం కాలిన గాయాలతో, అతని 26 ఏళ్ల ఫియాన్సీ జుహీ అభియునందన్ ప్రసా్ద 98 శాతం గాయాలతో ఆస్పత్రిలో చికిత్స పొందుతున్నారు. ఐటి ప్రొషెనల్ అయిన నిమేష్‌కు ఇటీవలే ఢిల్లీకి చెందిన న్యాయవాది జుహీతో నిశ్చితార్థం జరిగింది. అనుశ్రీ తనకు ఆరేళ్లుగా తెలుసునని నిమేష్ చెప్పినట్లు పోలీసులు తెలిపారు. పూణేకు మూడేళ్ల క్రితం మారడానికి ముందు తాను గుర్గావ్‌లో అనుశ్రీతో కలిసి ఉండేవాడినని కూడా చెప్పినట్లు వారన్నారు. అనుశ్రీ నిమేష్‌ను పెళ్లాడాలని అనుకుంది. వారిద్దరి మధ్య సంబంధాన్ని నిమేష్ తల్లిదండ్రులు వ్యతిరేకించారు. పైగా, జుహీతో పెళ్లి నిర్ణయం చేశారు.

English summary

Maharashtra police have sent teams to New Delhi and Bangalore to arrest a 30-year-old software engineer, who allegedly set her former boyfriend and his fiancee ablaze at their apartment in Pune on Thursday morning.