ఉస్మానియాలో మళ్లీ టెన్షన్.. టెన్షన్, టియర్ గ్యాస్ ప్రయోగం

హైదరాబాద్: హైదరాబాదులోని ఉస్మానియా విశ్వవిద్యాలయంలో మళ్లీ శనివారం ఉద్రిక్త పరిస్థితులు చోటు చేసుకున్నాయి. పోలీసులు విద్యార్థులపైకి ఆరు రౌండ్లు టియర్ గ్యాస్ ప్రయోగించారు. విద్యార్థులు విశ్వవిద్యాలయం నుంచి ర్యాలీగా బయటకు రావడానికి ప్రయత్నించారు. వారిని పోలీసులు నిలువరించే ప్రయత్నాలు చేశారు. పోలీసులపైకి విద్యార్థులు రాళ్లు విసిరారు. టియర్ గ్యాస్ ప్రయోగించడంతో విద్యార్థులు చెల్లాచెదురుగా పారిపోయారు.

రైల్ రోకోలో పాల్గొనడానికి విద్యార్థులు ఉస్మానియా విశ్వవిద్యాలయం నుంచి బయటకు రావడానికి ప్రయత్నించారు. అయితే, టియర్ గ్యాస్ ప్రయోగించి వారిని పోలీసులు అడ్డగించారు. పరిస్థితి అదుపులోనే ఉందని పోలీసులు చెబుతున్నారు. ఉస్మానియా విశ్వవిద్యాలయం దొడ్డి దారి ద్వారా కూడా విద్యార్థులు బయటకు రావడానికి ప్రయత్నించారు. విశ్వవిద్యాలయం వెలుపల తెలంగాణవాదులు బస్సులపై దాడి చేసినట్లు సమాచారం.

English summary

Tension prevailed in Osmania University, as police prevented students from coming out of the premises.