దానంపై హెచ్చార్సీలో ఫిర్యాదు, తెరాసపై మంత్రి మండిపాటు

హైదరాబాద్: కార్మిక శాఖ మంత్రి దానం నాగేందర్‌పై మాదిగ దండోరా సభ్యులు సోమవారం మానవ హక్కుల వేదికకు ఫిర్యాదు చేశారు. ఆదివారం తుకారాంగేటు ప్రాంతంలో మంత్రి అనుచరులు ఇద్దరు తెరాస కార్యకర్తలను చితకబాదిన విషయం తెలిసిందే. దీనిపై మాదిగ దండోరా హెచ్చార్సీని ఆశ్రయించింది. మంత్రిపైనా, ఆయన అనుచరులపైనా ఫిర్యాదు చేసింది. వెంటనే స్పందించిన హెచ్చార్సీ వారం రోజులలోగా దాడికి సంబంధించిన అంశంపై పూర్తి వివరాలు అందించాలని నార్త్ జోన్ డిసిపిని ఆదేశించింది.

కాగా తెలంగాణ ప్రజలలో ఉన్న సెంటిమెంటును తాను గౌరవిస్తున్నానని మంత్రి దానం నాగేందర్ విలేకరులతో అన్నారు. తాను గానీ, ముఖేష్ గౌడ్ గానీ ఎప్పుడూ తాము తెలంగాణకు వ్యతిరేకమని చెప్పలేదన్నారు. తాను నిన్న ఎవరి పైనా దాడి చేయలేదని అయితే ఆ దాడి పట్ల మాత్రం తీవ్ర విచారం వ్యక్తం చేస్తున్నట్లు చెప్పారు. ఎస్సీలపై తనకు ఎలాంటి వ్యతిరేకత లేదన్నారు. తెరాస వాళ్లు కుట్ర పూరితంగా తమను విమర్శిస్తున్నారని ఆరోపించారు.

English summary

Madiga Dandora complained against minister Danam Nagender today in Human Rights Association. Danam fired at TRS leaders for targeting him.