చంద్రబాబు ప్రకటన చూసి నవ్వుతున్నారు: జూపూడి

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు ప్రకటించిన ఆస్తుల వివరాలు చూసి రాష్ట్ర ప్రజలంతా నవ్వుకుంటున్నారని శాసనమండలి సభ్యుడు జూపూడి ప్రభాకర్ రావు మంగళవారం విమర్శించారు. వైయస్సార్ కాంగ్రెసు పార్టీ కార్యాలయంలో మంగళవారం సాయంత్రం ఆయన మీడియాతో మాట్లాడారు. పులివెందుల శాసనసభ్యురాలు వైయస్ విజయమ్మ పిటిషన్‌తోనైనా చంద్రబాబు ఆస్తులపై నిజాలు బయటకు వస్తాయని తాను ఆశిస్తున్నట్టు చెప్పారు. చంద్రబాబు కోటరీ ఈవెంట్ మేనేజర్‌లా బినామీ ఆస్తులు కూడగట్టారన్నారు. విజయమ్మ బాధ్యతాయుతమైన పౌరురాలుగా కోర్టులో పిటిషన్ దాఖలు చేశారని దానిపై విచారణ జరిపించాలని డిమాండ్ చేశారు.

చంద్రబాబు ఆస్తులకు సంబంధించిన కొత్త అంశాలను ఆమె వెలుగులోకి తెచ్చారన్నారు. ఆమె దాఖలు చేసిన పిటిషన్‌లో వంద పేజీలలో బాబు ఆస్తుల వివరాలు ఉండగా, మిగిలిన పేజీలు అన్నీ సాక్ష్యాధారాలేనని తెలిపారు. మంత్రి శంకర్ రావు వేసిన పిల్‌ని ఏ విధంగా విచారణకు స్వీకరించిందో దీనిని కూడా అదే విధంగా కోర్టు స్వీకరిస్తుందని ఆయన అశాభావం వ్యక్తం చేశారు.

English summary

YSRC Party spokes person, mlc Jupudi Prabhakar Rao blamed TDP chief Nara Chandrababu Naidu for annonced his properties.