గాలి జనార్ధన్ కేసు వేగవంతం: బళ్లారిలో ఆఫీసు

By Srinivas

Published: Thursday, October 20, 2011, 11:00 [IST]

హైదరాబాద్: ఓబుళాపురం గనుల్లో అక్రమ తవ్వకాల దర్యాఫ్తును సెంట్రల్ బ్యూరో ఆఫ్ ఇన్వేస్టిగేషన్(సిబిఐ) వేగవంతం చేసింది. గనుల అక్రమాలు మరింత వెలుగు తీసేందుకు గురువారం ఉదయం నలభై మందితో కూడిన సిబిఐ బృందం కర్నాటక జిల్లా బళ్లారి చేరుకుంది. బళ్లారిలో మరో కార్యాలయం ఏర్పాటు చేసి అక్కడే విచారణ జరిపేందుకు సిబిఐ నిర్ణయం తీసుకున్నట్లుగా తెలుస్తోంది. ఓఎంసి-2లో తనిఖీలు నిర్వహించే అవకాశాలున్నాయి.

కాగా ఇప్పటికే హైదరాబాదులోని దిల్ కుష్ అతిథి గృహాన్ని కార్యాలయంగా చేసుకొని కేసు దర్యాఫ్తు చేస్తున్న విషయం తెలిసిందే. విచారణ మరింత వేగవంతం చేసేందుకే గనులున్న బళ్లారిలో మరో కార్యాలయాన్ని తెరవాలని నిర్ణయించుకున్నట్లుగా సమాచారం. ఇప్పటికే గాలి జనార్ధన్ రెడ్డి సన్నిహితులను పలువురిని సిబిఐ విచారించింది. పలు గనుల సంస్థలను కూడా విచారించింది.

Published On October 20, 2011