జెసి మెడలో గులాబీ కండువా, వారించిన హరీష్

By Srinivas

Published: Friday, October 21, 2011, 13:57 [IST]

హైదరాబాద్: అనంతపురం జిల్లా కాంగ్రెసు పార్టీ సీనియర్ శాసనసభ్యుడు, మాజీ మంత్రి జెసి దివాకర్ రెడ్డి మెడలో తెలంగాణవాదులు శుక్రవారం గులాబీ కండువా కప్పారు. బాన్సువాడ ఉప ఎన్నికలలో గెలుపొందిన పోచారం శ్రీనివాస్ రెడ్డి ప్రమాణ స్వీకారోత్సవానికి పెద్ద ఎత్తున తెలంగాణ రాష్ట్ర సమితి కార్యకర్తలు శుక్రవారం అసెంబ్లీ చేరుకున్నారు. అదే సమయంలో జెసి దివాకర్ రెడ్డి అసెంబ్లీ ప్రాంగణానికి చేరుకున్నారు. అక్కడే ఉన్న తెరాస కార్యకర్తలు జెసిని అడ్డుకున్నారు. జై తెలంగాణ అనాలంటూ నినాదాలు చేశారు. తమ చేతిలో ఉన్న గులాబీ కండువాను ఆయన మెడలో వేశారు.

తెలంగాణకు అనుకూలంగా మాట్లాడాలని డిమాండ్ చేశారు. తెలంగాణను ఎవరూ అడ్డుకోలేరని అన్నారు. దీంతో జెసి తీవ్ర మనస్థాపం చెందినట్లుగా తెలుస్తోంది. అయితే అక్కడే ఉన్న తెలంగాణ రాష్ట్ర సమితి సిద్దిపేట శాసనసభ్యుడు హరీష్ రావు కార్యకర్తల తీరును ఆక్షేపించారు. హరీష్ వారిని సముదాయించి జెసి వద్ద నుండి పంపించేశారు.

Published On October 21, 2011