జగన్ ఇంట్లో విదేశీ బార్: టివి 9 వర్సెస్ సాక్షి ఛానల్

హైదరాబాద్: హైదరాబాదులోని లోటస్ పాండులోని వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఇంట్లో విదేశీ బార్ ఉందన్న టివి 9 ఛానల్ కథనంపై జగన్ సాక్షి ఛానల్ మండిపడింది. జగన్ నివాసంలో విదేశీ బార్ ఉంటే చూపించాలని సవాల్ విసిరింది. జగన్ ఇంట్లో లేనివి ఉన్నట్లుగా కల్పించి చెబుతోందని, మెరుగైన సమాజం కోసమంటున్న టివి9 అబద్దాలు చెప్పడమే ఉద్దరించడమా అని ప్రశ్నించింది. విదేశీ బార్ ఉన్నట్టు ఆధారాలు చూపిస్తారా లేక చెంపలేసుకుంటారా అని ప్రశ్నించింది. బార్ ఎక్కడుందో చూపించకుంటే ఛానల్ మూసుకుంటారా అని సవాల్ విసిరింది. కనీసం ఖాళీ బాటిల్ చూపించినా చాలంది. ఎలాంటి ఆధారాలు లేకుండా దుష్ప్రచారం చేస్తే సరికాదని సూచించింది.

కాగా అంతకుముందు టివి9 జగన్ ఇంట్లో విదేశీ బార్ ఉందని, నలభై మంది కెపాసిటి గల ఓపెన్ ఎయిర్ సినిమా హాల్ ఉందని చెప్పింది. జగన్ నివాసం అత్యాధునికంగా ఉందని పేర్కొంది. ఫస్ట్ ఫ్లోర్‌లో షటిల్ కోర్టు, పెద్ద కిచెన్ ఉందని పేర్కొంది. టివి 9 వార్తలను సాక్షి ఛానల్ తర్వాత ఖండించింది. ప్రజలన్నీ గమనిస్తూనే ఉన్నారని తప్పుడు కథనాలు రాయవద్దని హెచ్చరించింది.

English summary

YSRC Congress Party president YS Jaganmohan Reddy Sakshi channel condemned TV 9 comments on Jagan residence.