బాబు పేదవాడు ఎలా అయ్యాడో: జగన్ పార్టీ నేత

ఒంగోలు: తెలుగుదేశం పార్టీ అధ్యక్షుడు నారా చంద్రబాబు నాయుడి ఆస్తుల వివరాలపై వైయస్ జగన్ నేతృత్వంలోని వైయస్సార్ కాంగ్రెసు పార్టీ నాయకుడు జూపూడి ప్రభాకర రావు మంగళవారం మీడియా ప్రతినిధుల సమావేశంలో తీవ్రంగా ధ్వజమెత్తారు. ఉన్నట్టుండి చంద్రబాబు పేదవాడు ఎలా అయ్యారో అర్థం కావడం లేదని ఆయన అన్నారు. చంద్రబాబు ఆస్తుల జాబితా ఓ మాయాజాలమని ఆయన విరుచుకుపడ్డారు. చంద్రబాబు ప్రకటించిన ఆస్తుల్లో సింగపూర్, మలేసియా ఆస్తులు ఏవి అని ఆయన అడిగారు.

సింగపూర్‌లోని లిటిల్ ఇండియాలో ఎవరిని అడిగినా చంద్రబాబు హోటల్ చూపుతారని ఆయన అన్నారు. సింగపూర్‌లో తనకు హోటల్ లేదని చంద్రబాబు చెబుతున్న మాటల్లో నిజం లేదని ఆయన అన్నారు. మభ్యపెట్టేందుకే ఎన్నికల్లో యువతకు 30 శాతం టికెట్లు ఇస్తానని చంద్రబాబు ప్రచారం సాగిస్తున్నారని ఆయన అన్నారు. చంద్రబాబు మాటలను నమ్మె స్థితిలో యువత లేదని ఆయన అన్నారు.

English summary

YSR Congress party leader Jupudi Prabhakar Rao lashed out at TDP president Chandrababu Naidu.