సిఎంతో మాట్లాడుతా, సమ్మె అభినందనీయం: విహెచ్

By Srinivas

Published: Tuesday, October 25, 2011, 11:09 [IST]

అదిలాబాద్: జిల్లాలో ప్రభలుతున్న డెంగీ వ్యాధిపై ముఖ్యమంత్రి కిరణ్ కుమార్ రెడ్డితో మాట్లాడతానని కాంగ్రెసు సీనియర్ నేత వి హనుమంత రావు మంగళవారం అన్నారు. ఆయన అదిలాబాద్ జిల్లాలో పర్యటించారు. ఈ సందర్భంగా ఆయన మీడియాతో మాట్లాడారు. అదిలాబాద్ జిల్లాను హెల్త్ కేర్‌గా తీసుకొని ప్రత్యేక ప్యాకేజీ ప్రకటించాలని డిమాండ్ చేశారు. వైద్యుల పనితీరుపై నియంత్రణ పెట్టాలని విజ్ఞప్తి చేశారు.

అదిలాబాద్ జిల్లాలో ప్రజారోగ్యాన్ని కాపాడేందుకు రిమోట్ హెల్త్ కేర్‌కు ప్రభుత్వం ప్రణాళిక రచించాలని కోరారు. విషజ్వరాలపై విచారణ జరపాలన్నారు. జిల్లాలో ఖాళీగా ఉన్న పోస్టులు భర్తీ చేయాలన్నారు. ప్రత్యేక తెలంగాణ రాష్ట్రం కోసం సకల జనుల సమ్మె రూపంలో ఉద్యోగులు చేసి త్యాగం మరువ లేనిదన్నారు. ఇన్ని రోజులుగా సమ్మె అహింసా పద్ధతిలో జరగడం అభినందనీయమన్నారు.

Published On October 25, 2011