బెంగళూర్ ఐటి శాఖ అభ్యర్థనకు జగన్ అభ్యంతరం

By Pratap

Published: Tuesday, October 25, 2011, 7:41 [IST]

హైదరాబాద్: బెంగుళూర్ ఐటి శాఖ అభ్యర్థనపై వైయస్సార్ కాంగ్రెసు పార్టీ అధ్యక్షుడు వైయస్ జగన్ తీవ్ర అభ్యంతరం తెలిపారు. వైయస్ జగన్ ఆస్తుల కేసులో సిబిఐ స్వాధీనం చేసుకున్న వివరాలను తమకు సమర్పించాలని బెంగుళుర్ ఆదాయం పన్ను శాఖ కోర్టును అభ్యర్థించింది. తమ వాదన వినకుండా ఆదాయం పన్ను శాఖ అధికారులకు తమ వివరాలను అందించకూడదని జగన్ తరఫు న్యాయవాది కోరారు. దీంతో సిబిఐ కోర్టు న్యాయమూర్తి నాగమారుతీ శర్మ విచారణను ఈ నెల 28వ తేదీకి వాయిదా వేశారు.

ఆదాయం పన్ను శాఖ అభ్యర్థనపై అభ్యంతరాలుంటే తెలియజేయాలని ఆదేశిస్తూ న్యాయమూర్తి జగన్‌కు నోటీసు జారీ చేశారు. తాము స్వాధీనం చేసుకున్న పత్రాలను ఐటి శాఖకు అప్పగించడానికి తమకు ఎలాంటి అభ్యంతరం లేదని అంతకు ముందు సిబిఐ అధికారులు కోర్టుకు తెలిపారు. సండూర్ పవర్, విఎస్ అసోసియేట్స్ సొంత ఖర్చుతో వారి నుంచి సేకరించిన హార్డ్ డిస్క్‌లు, సిడీల్లోని సమచారాన్ని వారికి సిఎఫ్ఎస్ఎల్‌ను కోర్టు ఆదేశించింది.

Published On October 25, 2011