మన పెద్ద రాష్ట్రం సంతోషంగా ఉండాలి: గవర్నర్ ఆకాంక్ష

హైదరాబాద్: మన అంధ్రప్రదేశ్ పెద్ద రాష్ట్రమని, మన రాష్ట్రం దేశంలో పేరెన్నిక గనాలని గవర్నర్ నరసింహన్ ఆకాంక్షించారు. ఆయన బుధవారంనాడు రాజభవన్‌లో దీపావళి ఉత్సవాలను ప్రారంభించారు. దీపావళి వెలుగులు నింపే పండుగ అని, అందరికీ ఆనందాన్ని కలిగించే పండుగ అని ఆయన అన్నారు. మనమంతా ఒక కటుంబమని, రాష్ట్రమంతా కుటుంబంగా సంతోషంగా ఉండాలని ఆయన అన్నారు. కోర్టులో కేసు ఉన్నందున వైస్ చాన్సలర్ల నియామకాలు ఆగిపోయాయని, కేసు పరిష్కారం కాగానే విసిల నియామకం జరుగుతుందని ఆయన అన్నారు. విద్య అభివృద్ధికి దోహదం చేస్తుందని ఆయన అన్నారు. ప్రతి రెండేళ్లకోసారి చాన్సలర్ల సమావేశం జరుగుతుందని, ఆ సమావేశంలో పాల్గొనడానికి తాను ఢిల్లీ వెళ్తున్నానని ఆయన చెప్పారు.

గవర్నర్ దంపతులను పలువురు ప్రముఖులు కలిసి అభినందించారు. వారికి దీపావళి శుభాకాంక్షలు తెలిపారు. కాంగ్రెసు నేత చిరంజీవి తన కుటుంబ సభ్యులతో వచ్చి గవర్నర్ దంపతులకు దీపావళి శుభాకాంక్షలు తెలిపారు. కాసు వెంకటకృష్ణా రెడ్డి, దానం నాగేందర్, గల్లా అరుణకుమారి, రఘువీరారెడ్డి తదితర మంత్రులు కూడా నరసింహన్ దంపతులకు దీపావళి శుభాకాంక్షలు తెలిపారు. శాసనమండలి చైర్మన్ చక్రపాణి రాజభవన్‌కు వచ్చి గవర్నర్ దంపతులకు దీపావళి శుభాకాంక్షలు తెలిపారు. ఉప ముఖ్యమంత్రి దామోదర రాజనర్సింహ కూడా గవర్నర్ దంపతులకు శుభాకాంక్షలు తెలిపారు.

English summary

Governor Narasimhan said that Deepavali should make happy Andhrapradesh.