ఎఫ్‌బిఐ ఎదుట లొంగిపోయిన రజత్ గుప్తా

By Pratap

Published: Thursday, October 27, 2011, 8:06 [IST]

న్యూయార్క్: ఇన్‌సైడర్ ట్రేడింగ్ కుంభకోణం నిందితుడు రజత్ గుప్తా బుధవారం ఎఫ్‌బిఐ ఎదుట లొంగిపోయాడు. మాన్‌హట్టన్‌లోని ఎఫ్‌బిఐ కార్యాలయంలో రజత్ గుప్తా బుధవారం ఉదయం లొంగిపోయినట్లు ఎఫ్‌బిఐ వర్గాలు తెలిపాయి. రజత్ గుప్తా ఇంతకు ముందు గోల్డ్‌మన్ శాచ్స్ సభ్యుడిగా పనిచేశాడు. ఈ కుంభకోణానికి సంబంధించి శ్రీలంకకు చెందిన రాజ్ రాజరత్నంను రాజరత్నంను విచారించి అతనికి ఇంతకు ముందే శిక్ష విధించింది. ఇప్పుడు రజత్ గుప్తాను విచారించాలని ఎఫ్‌బిఐ నిర్ణయించుకుంది. రాజరత్నంకు 11 ఏళ్ల జైలు శిక్ష పడింది.

గుప్తాపై సెక్యూరిటీస్ అండ్ ఎక్స్‌ఛేంజ్ కమిషనర్ మార్చిలోనే సివిల్ ఫ్రాడ్ ఆరోపణలు చేసారు. రాజరత్నంకు రజత్ గుప్తా ప్రయోజనం చేకూర్చడానికి ఫ్రాడ్ చేశాడనే ఆరోపణ ఉంది. భారత సంతతికి చెందిన గుప్తా ప్రోక్టర్ అండ్ గాంబిల్‌ బోర్డులో కూడా పనిచేసాడు. అమెరికా అధ్యక్షుడు బరాక్ ఒబామా ఇచ్చిన తొలి ప్రభుత్వ విందుకు అతను అతిథిగా కూడా హాజరయ్యాడు.

Published On October 27, 2011