సిపిఐ కృష్ణా జిల్లా కార్యదర్శి దారుణ హత్య

By Pratap

Published: Friday, October 28, 2011, 9:46 [IST]

విజయవాడ: సిపిఐ జిల్లా కార్యదర్శి పోతుల శ్రీనివాస్ దారుణ హత్యకు గురయ్యారు. గురువారం అర్థరాత్రి దాటిన తర్వాత రెండు గంటల ప్రాంతంలో ఈ హత్య జరిగింది. కృష్ణా జిల్లా నూజివీడులో బైక్‌పై వెళ్తుండగా ప్రత్యర్థులు కత్తులతో దాడి చేసి ఆయనను హత్య చేశారు. దాడిలో తీవ్రంగా గాయపడిన శ్రీనివాస్‌ను ఆస్పత్రికి తరలించారు. ఆస్పత్రిలో చికిత్స పొందుతూ ఆయన మరణించారు. పోలీసులకు ఇచ్చిన వాంగ్మూలంలో శ్రీనివాస్ తనకు హత్యకు బాధ్యులని భావిస్తున్న ఇద్దరి పేర్లను చెప్పినట్లు తెలుస్తోంది.

నూజివీడులోని సిద్ధార్థ నగర్ భూముల వివాదమే శ్రీనివాస్ హత్యకు కారణమని భావించారు. అయితే, పోలీసుల దర్యాప్తులో మరో కోణం వెలుగు చూసింది. బైక్ వెనక కూర్చున వ్యక్తి హత్యలో ప్రధాన పాత్ర పోషించినట్లు అనుమానిస్తున్నారు. నిందితుల కోసం పోలీసులు గాలిస్తున్నారు.

శ్రీను హత్య కేసులో ఆయన సెక్యూరిటీ గార్డునే పోలీసులు నిందితుడిగా గుర్తించారు. కాంట్రాక్టు ఉద్యోగం ఇప్పిస్తానని చెప్పి తన సెక్యూరిటీ గార్డు నరేష్ లక్ష రూపాయలు తీసుకున్నట్లు సమాచారం. ఉద్యోగం ఇప్పించక, డబ్బులు తిరిగి ఇవ్వకపోవడంతో నరేష్ శ్రీనివాస్‌ను హత్య చేసినట్లు తెలుస్తోంది.

Published On October 28, 2011