విశాఖపట్నంలో దొంగ ఇంజనీరింగ్ విద్యార్థులు అరెస్టు

విశాఖపట్నం: జల్సాలకు అలవాటుపడి వరుస దొంగతనాలకు పాల్పడుతున్న విద్యార్థుల ముఠాను పోలీసులు శుక్రవారం అరెస్టు చేశారు. అరెస్టయిన ఐదుగురిలో ఇంజనీరింగ్, బిబిఎం, డిగ్రీ, పదవ తరగతి విద్యార్థులు ఉన్నారు. లగ్జరీ జీవితానికి అలవాటు పడిన వీరు గత కొన్నాళ్లుగా వరుసగా ఇళ్లలో దొంగతనాలు చేస్తున్నారు. వీరి నుండి విశాఖ పోలీసులు ఒకటిన్నర కేజి బంగారం, 38 కిలోల వెండి, భారీగా ఎలక్ట్రికల్ సామాగ్రి, ల్యాప్‌టాప్ స్వాధీనం చేసుకున్నారు. దొంగిలించిన సొత్తు నుండి రూ.పది నుండి రూ.పదిహేను లక్షల రూపాయల వరకు సొంత అవసరాలకు వాడుకున్నారు.

నిందితుల్లో ఓ యువకుడిని ఆయన మేనమామ తన దగ్గరే ఉంచుకొని చదివిస్తున్నాడు. కానీ అతను మాత్రం పెంచుతున్న మామ ఇంటికే కన్నం వేశాడు. వీరంతా ముఠాగా ఏర్పడి గాజువాక, విశాఖ, రాజమండ్రి ప్రాంతాల్లో దొంగతనాలు చేశారు. కాగా వీరిని పట్టుకున్న ఎనిమిది మంది పోలీసులకు సిపి పూర్ణచంద్రా రావు రివార్డులు ప్రకటించారు.

English summary

Vishakapatnam police arrest students for theft. Police recovered one and half kg gold, 38 kg silver, laptop from students.