కన్న కూతురిని రేప్ చేసిన వ్యక్తి జైలు పాలు

పాట్నా: కన్న కూతురినే రేప్ చేసిన వ్యక్తి జైలు పాలైన సంఘటన వెలుగులోకి వచ్చింది. ఓ రైల్వే ఉద్యోగి తన 14 ఏళ్ల కూతురిపై అత్యాచారానికి పాల్పడ్డాడనే ఆరోపణపై శనివారం జైలు పాలయ్యాడు. ఈ సంఘటన బీహార్‌లోని విజయ నగర్‌లో జరిగింది. బెగురాయ్ జిల్లా గర్హరలో యార్డు మాస్టర్‌గా పనిచేస్తున్న తన తండ్రి తనపై కొంత కాలంగా అత్యాచారం చేస్తున్నాడని ఓ బాలిక పోలీసులకు ఫిర్యాదు చేసింది. శుక్రవారం పాఠశాల నుంచి తిరిగి వచ్చిన తన గదిలోకి ప్రవేశించి ఆమెను రేప్ చేయడానికి తన తండ్రి ప్రయత్నించాడని ఆ అమ్మాయి ఫిర్యాదు చేసింది.

తాను ప్రతిఘటించడానికి ప్రయత్నించడంతో అతను కర్రతో తనను కొట్టాడని ఆమె చెప్పింది. ఈ సంఘటన జరిగిన సమయంలో ఆ అమ్మాయి తల్లి, ఇద్దరు సోదరులు కూడా ఇంటిలో లేరు. నేరం చేసిన తర్వాత అతను వాష్‌రూంలోకి వెళ్లాడు. దాంతో ఆ అమ్మాయి బయటి నుంచి గొల్లెం పెట్టి ఇంటి నుంచి కేకలు పెడుతూ పరుగులు తీసింది. దాంతో ఇరుగుపొరుగువారు ఇంటిలోకి ప్రవేశించి అతన్ని చితకబాదారు. అదే సమయంలో ఒకరు పోలీసులకు ఫోన్ చేశారు. అతను నేరానికి పాల్పడినట్లు పరీక్షల్లో తేలిందని పోలీసులు చెప్పారు.

English summary

A railway employee was on Saturday forwarded to jail for allegedly raping his only daughter at their rented house at Vijay Nagar under the Patrakar Nagar police station area.