అరుణాచల్ ప్రదేశ్ ముఖ్యమంత్రి గామ్లిన్ రాజీనామా

ఇటానగర్: అరుణాచల్ ప్రదేశ్ ముఖ్యమంత్రి జార్బోమ్ గామ్లిన్ తన పదవికి రాజీనామా చేసినట్లు తెలుస్తోంది. ఆయన తన రాజీనామా లేఖను గవర్నర్‌కు అందజేశారు. పార్టీలో గొడవలే ఆయన రాజీనామాకు కారణమని సమాచారం. తమ నాయకుడిని ఎన్నుకోవడానికి కాంగ్రెసు శాసనసభా పక్షం సమావేశమవుతోంది. సమర్థుడైన ముఖ్యమంత్రిని ఎన్నుకోవాలనే ఉద్దేశంతో ఉన్నట్లు చెబుతున్నారు.

నాయకత్వ అంశంపై పాలక కాంగ్రెసు పార్టీలో అసమ్మతి పెచ్చరిల్లిన నేపథ్యంలో రాజీనామా చేయడానికి గామ్లిన్ శనివారంనాడే ముందుకు వచ్చారు. మే 5వ తేదీన ఆయన ముఖ్యమంత్రిగా పదవీబాధ్యతలు చేపట్టారు. హెలికాప్టర్ ప్రమాదంలో అప్పటి ముఖ్యమంత్రి దోర్జీ ఖండూ మరణించడంతో గామ్లిన్ ఆయన స్థానంలో ముఖ్యమంత్రి పదవిని చేపట్టారు.

English summary

According to sources Arunachal Pradesh CM Jarbom Gamlin has resigned for his post.