జగన్ వర్గం ఎమ్మెల్యేలు మా వెంటే ఉన్నారు: డిఎల్

By Srinivas

Published: Monday, October 31, 2011, 12:25 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వర్గం శాసనసభ్యులు తమ వెంటే ఉన్నారని ఆరోగ్య శాఖ మంత్రి డిఎల్ రవీంద్రా రెడ్డి సోమవారం అన్నారు. తెలంగాణపై అధిష్టానం త్వరలో నిర్ణయం తీసుకుంటుందని ఆయన అభిప్రాయపడ్డారు. అధిష్టానం ఏ నిర్ణయం తీసుకుంటే దానికి తాము కట్టుబడి ఉంటామని చెప్పారు. ముఖ్యమంత్రి కిరణ్ కుమార్ రెడ్డి ప్రభుత్వంపై ఎవరు అవిశ్వాస తీర్మానం పెట్టినా తాము ఎదుర్కొనేందుకు సిద్ధంగా ఉన్నామన్నారు. ప్రభుత్వం మైనార్టీలో పడలేదన్నారు. తమ ప్రభుత్వానికి మెజార్టీ ఉందన్నారు.

తెలంగాణ ప్రాంతంలోని ముగ్గురు శాసనసభ్యులు తెలంగాణ రాష్ట్ర సమితిలో చేరడానికి పార్టీకి సంబంధం లేదన్నారు. వలసల విషయంలో ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ రావు వైఫల్యం లేదన్నారు. ఎమ్మెల్యేలు రాజీనామా చేసి తొందర పడ్డారన్నారు.

Published On October 31, 2011