మాకు ఏ పార్టీ రంగు అంటించకండి: లక్ష్మణ్ బాపూజీ

By Srinivas

Published: Tuesday, November 1, 2011, 13:41 [IST]

న్యూఢిల్లీ: తమకు ఏ పార్టీ రంగు అంటించ వద్దని ప్రముఖ స్వతంత్ర సమర యోధుడు కొండా లక్ష్మణ్ బాపూజీ మంగళవారం అన్నారు. ప్రత్యేక తెలంగాణ రాష్ట్రం కోరుతూ లక్ష్మణ్ బాపూజీ న్యూఢిల్లీలోని జంతర్ మంతర్ వద్ద ఉదయం దీక్షను ప్రారంభించారు. ఈ సందర్భంగా ఆన మాట్లాడారు. తమకు ఏ పార్టీ రంగును అంటించ వద్దన్నారు. తాము ఏ పార్టీతోనూ కలవమన్నారు. తమతో కలిసి వచ్చే వారిని కలుపుకు వెళతామన్నారు. కేంద్ర ప్రభుత్వం గతంలో ఇచ్చిన మాటకు కట్టుబడి ఉండాలని పార్లమెంటులో తెలంగాణ బిల్లు పెట్టాలని డిమాండ్ చేశారు. పార్టీలకు, జెండాలకు అతీతంగా తాము ఉద్యమిస్తామన్నారు.

కాగా బాపూజీ సత్యాగ్రం ఈ నెల 7వ తారీఖు వరకు కొనసాగుతుంది. ఈయన దీక్షకు తెలంగాణ రాజకీయ ఐక్య కార్యాచరణ సమితి చైర్మన్ కోదండరామ్, తెలంగాణ ప్రజా ఫ్రంట్ చైర్మన్ గద్దర్, తెలంగాణ తెలుగుదేశం, తెలంగాణ కాంగ్రెసు పార్టీ ఎంపీలు మద్దతు పలికారు. బాపూజీతో పాటు పదిమంది స్వతంత్ర సమరయోధులు దీక్షలో పాల్గొన్నారు.

Published On November 1, 2011