రాష్ట్రం విడిపోవడానికి ప్రక్రియ ఉంది: లోక్‌సత్తా చీఫ్ జెపి

హైదరాబాద్: రాష్ట్రాలు ఏర్పడటానికి ఓ రాజకీయ ప్రక్రియ ఉందని దాని ద్వారానే రాష్ట్రాలు ఏర్పడతాయని కూకట్ పల్లి శాసనసభ్యుడు, లోక్ సత్తా పార్టీ అధ్యక్షుడు జయప్రకాశ్ నారాయణ మంగళవారం అన్నారు. నవంబరు 1న ఆంధ్ర ప్రదేశ్ రాష్ట్ర అవతరణ దినోత్సవాన్ని పురస్కరించుకొని జయప్రకాశ్ నారాయణ లోక్ సత్తా పార్టీ కార్యాలయంలో జాతీయ జెండా ఎగురవేశారు. ఈ సందర్భంగా ఆయన మాట్లాడారు. ప్రజలలో ప్రాంతీయ విద్వేషాలు రెచ్చగొట్టడం సరికాదన్నారు.

భాషాప్రయుక్త రాష్ట్రాల ద్వారానే దేశంలోని పలు రాష్ట్రాలు అభివృద్ధి చెందాయన్నారు. ద్వేషపూరిత వాతావరణాన్ని ప్రజల మధ్య రాజకీయ పార్టీలు కల్పించవద్దని విజ్ఞప్తి చేశారు. కులాలకు, మతాలకు అతీతంగా భారతదేశం భిన్నత్వంలో ఏకత్వంగా మెలుగుతోందన్నారు. దేశ భవిష్యత్తు దృష్ట్యా ప్రజల మధ్య విద్వేషాలు రెచ్చగొట్ట వద్దన్నారు. అలా చేస్తే దేశ భవిష్యత్తుకు ప్రమాదకరమన్నారు.

English summary

Loksatta Party president Jayaprakash Narayana said today that state will divide with only political process but not with agitations.