జైలులో ప్రత్యేక హోదాకు కోర్టుకు ఖైదీ గాలి పిటిషన్

హైదరాబాద్: అక్రమ మైనింగ్ కేసులో హైదరాబాదులోని చంచల్‌గుడా జైలులో ఉన్న కర్ణాటక మాజీ మంత్రి గాలి జనార్దన్ రెడ్డి, సహ నిందితుడు బివి శ్రీనివాస రెడ్డి తమకు స్పెషల్ క్లాస్ స్టేటస్ కల్పించాలని సిబిఐ కోర్టుకు విజ్ఢప్తి చేసుకున్నారు. ఈ మేరకు వారు సోమవారం కోర్టులో పిటిషన్ దాఖలు చేశారు. దీనిపై విచారణను కోర్టు 2వ తేదీకి వాయిదా వేసింది. వీడియో కాన్ఫరెన్స్ ద్వారా విచారించి కోర్టు వారిద్దరి జ్యుడిషియల్ రిమాండ్‌ను ఈ నెల 14వ తేదీ వరకు పొడిగించిన విషయం తెలిసిందే.

వ్యాపారవేత్తగా తనకు స్పెషల్ స్టేటస్ ఇవ్వాలని గాలి జనార్దన్ రెడ్డి కోరారు. తనను ప్రత్యేక ఖైదీగా గుర్తించాల్సి ఉన్నప్పటికీ సామాన్య ఖైదీగానే గుర్తిస్తున్నారని ఆయన తన పిటిషన్‌లో అన్నారు. తనను స్పెషల్ క్లాస్ ఖైదీగా గుర్తించే విషయాన్ని జిల్లా కలెక్టర్‌కు తెలియజేయాలని ఆయన కోర్టును కోరారు. ప్రత్యేక ఖైదీలుగా గుర్తిస్తే వారికి ఫర్నీచర్‌తో కూడిన సెల్స్, దోమతెరలు, ఫ్యాన్లు, చాపలు అందుబాటులోకి వస్తాయి.

English summary

Mining baron Gali Janardhan Reddy, lodged in Chanchalguda jail in the illegal mining case, on Monday filed a petition along with co-accused B V Srinivas Reddy in a CBI court seeking special class prisoner status for them in the jail.