సమైక్యం కోసం వంగపండు దీక్ష, బిజెపికి చుక్కెదురు

విశాఖపట్నం: ఆంధ్ర ప్రదేశ్‌ను సమైక్యంగానే ఉంచాలని డిమాండ్ చేస్తూ ప్రముఖ గాయకుడు వంగపండు ప్రసాద రావు మంగళవారం విశాఖపట్నంలోని బీచ్ రోడ్డులో ఒక్కరోజు దీక్ష ప్రారంభించారు. ఆయనతో పాటు సుమారు యాభై మంది విద్యార్థులు దీక్షకు కూర్చున్నారు. అంతకుముందు ఆయన బీచ్ రోడ్డులోని శ్రీ పొట్టి శ్రీరాములు విగ్రహానికి పూలమాల వేసి నివాళులర్పించారు. విశాఖ నగర శాసనసభ్యుడు వెలగపూడి రామకృష్ణ కూడా పొట్టి శ్రీరాములు విగ్రహానికి పూలమాల వేసి నివాళులర్పించారు.

కాగా మరోవైపు అదే శ్రీరాములు విగ్రహానికి పూలమాల వేసి నివాళులర్పించడానికి స్థానిక భారతీయ జనతా పార్టీ నేతలు వెళ్లారు. వారిని సమైక్యాంధ్ర విద్యార్థి ఐక్య కార్యాచరణ సమితి అడ్డుకుంది. వేర్పాటువాదులు గో బ్యాక్ అంటూ నినాదాలు చేశారు. పరిస్థితి ఉద్రిక్తంగా మారటంతో పోలీసులు కల్పించుకొని ఆందోళనకారులను అదుపులోకి తీసుకున్నారు. భద్రత మధ్య బిజెపి నాయకులు నివాళులర్పించి వెళ్లారు.

English summary

Vangapandu Prasad Rao started one day fast with 50 students for Samaikyandhra. JAC obstructed BJP leaders to honour Potti Sriramulu statue.