గన్‌మెన్‌లపై ఆలోచించండి: కెటిఆర్‌కు ఇంటెలిజెన్స్ లేఖ

By Srinivas

Published: Wednesday, November 2, 2011, 12:49 [IST]

హైదరాబాద్: గన్‌మెన్‌ల ఉపసంహరణ విషయాన్ని పునరాలోచించుకోవాలని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావుకు కేంద్ర ఇంటెలిజెన్స్ విభాగం బుధవారం లేఖ రాసింది. రాష్ట్రంలో మావోయిస్టు కార్యకలాపాలు తీవ్రమవుతున్న దృష్ట్యా వెంట గన్‌మెన్‌లను తోడుగా ఉంచుకోవాలని లేఖలో కోరారు. కెటీఆర్‌తో పాటు గన్‌మెన్‌లను ఉపసంహరించుకున్న టిఆర్ఎస్ ఎమ్మెల్యేలు, తెలంగాణ ప్రాంత కాంగ్రెసు పార్లమెంటు సభ్యులకు కూడా లేఖలు విడివిడిగా రాసినట్టుగా తెలుస్తోంది.

కాగా ఇటీవల ఓ పోలీసు అధికారి తాము లేకుంటే ప్రజాప్రతినిధులు బయటకు కూడా వెళ్లలేరని చేసిన వ్యాఖ్యలు నిరసిస్తూ టిఆర్ఎస్ ఎమ్మెల్యేలు, కాంగ్రెసు ఎంపీలు తమ గన్‌మెన్‌లను ఉహసంహరించుకున్న విషయం తెలిసిందే. తమకు గన్‌మెన్‌లు వద్దంటూ వారు ప్రభుత్వానికి లేఖ రాశారు.

Published On November 2, 2011