టిఆర్ఎస్ ఎమ్మెల్యే దాస్యం అరెస్టు, ఎంజిఎంకు తరలింపు

వరంగల్: తెలంగాణ రాష్ట్ర సమితి వరంగల్ నగర శాసనసభ్యుడు దాస్యం వినయ భాస్కర్‌ను పోలీసులు బుధవారం అరెస్టు చేశారు. మంగళవారం నవంబర్ 1వ తేదిన రాష్ట్ర అవతరణ దినోత్సవాలకు ఆటంకం కలిగించారనే కారణంతో ఆయనను పోలీసులు అదుపులోకి తీసుకున్నారు. అయితే ఆయన ఆరోగ్యం బాగా లేకపోవడంతో అదుపులోకి తీసుకున్న వెంటనే మహాత్మా గాంధీ మెమోరియల్(ఎంజిఎం) వైద్యశాలకు తరలించారు. వినయ్ భాస్కర్‌పై పోలీసులు మూడు కేసులు నమోదు చేశారు.

కాగా మంగళవారం వరంగల్ జిల్లాలో జరుగుతున్న రాష్ట్ర అవతరణ వేడుకలలో వినయ భాస్కర్ హల్ చల్ సృష్టించిన విషయం తెలిసిందే. వేడుకలు జరుగుతున్న ప్రాంగణంలోకి తనను పోలీసులు అనుమతించక పోవడంతో తాను ఎమ్మెల్యేనని ఎలా అడ్డుకుంటారని ప్రశ్నించడంతో వారు వదిలారు. లోనికి వెళ్లిని వినయ భాస్కర్ వేదిక పైకెక్కి ఫ్లెక్సీ చించేశారు. అనంతరం పోలీసులకు, ఆయనకు మధ్య జరిగిన తోపులాటలో సొమ్మసిల్లి పడిపోయారు.

English summary

Police arrest TRS mla Dasyam Vinay Bhaskar today and sent him to Warangal MGM for hospitality.