మహిళను నగ్నం చేసి ఫోటోలు తీసిన వ్యాపారి

న్యూఢిల్లీ: ఓ మహిళపై లైంగిక దాడికి దిగి, ఆమెను నగ్నం చేసి ఫోటోలు చేసిన ఓ వ్యక్తిని దక్షిణ ఢిల్లీ పోలీసులు అరెస్టు చేశారు. వి. కృష్ణన్ అనే వ్యాపారి మహిళను తన ఇంటికి పిలిచి ఆమెపై లైంగిక దాడికి పాల్పడినట్లు పోలీసులు చెప్పారు. నిందితుడు తనకు ఇంతకు ముందే తెలుసనని, ఆ పరిచయంతో పిలువగానే తాను అక్టోబర్ 24వ తేదీన అతని ఇంటికి వెళ్లానని, ఆ సమయంలో బలవంతంగా అతను దుస్తులిప్పేసి, సెల్ ఫోన్ ద్వారా ఫోటోలు తీసి అశ్లీల వీడియోను రూపొందించాడని ఆమె పోలీసులకు చెప్పింది.

తాము ఈ నెల 25వ తేదీన కేసును నమోదు చేసి, నిందితుడి కోసం గాలించామని, అతన్ని సోమవారం అరెస్టు చేశామని పోలీసులు చెప్పారు. తాము కేసు దర్యాప్తు చేస్తున్నట్లు పోలీసులు చెప్పారు. తాను ఎంతగా మొర పెట్టుకున్న కృష్ణన్ తన దుస్తులను తిరిగి ఇవ్వలేదని మహిళ చెబుతోంది. ఆ రాత్రి ఆమె ఇంటికి తిరిగి రాకపోవడంతో భర్త అన్వేషన సాగించాడు. భర్త పోలీసులకు ఫిర్యాదు చేయడానికి ముందే ఆ మహిళ కృష్ణన్ ఇంట్లోంచి బయటపడి పోలీసులకు ఫిర్యాదు చేసింది.

English summary

A man has been arrested from south Delhi for allegedly molesting a woman and filming an obscene video clip.