అస్కార్ విజ్ఞప్తిని తిరస్కరించిన కొండా లక్ష్మణ్ బాపూజీ

న్యూఢిల్లీ: నిరాహార దీక్ష విరమించాలని కాంగ్రెసు సీనియర్ నేత ఆస్కార్ ఫెర్నాండేజ్ చేసిన విజ్ఞప్తిని ప్రముఖ స్వతంత్ర సమర యోధుడు కొండా లక్ష్మణ్ బాపూజీ తిరస్కరించారు. అస్కార్ గురువారం బాపూజీని కలిశారు. ఈ సందర్భంగా ఆయన కేంద్ర ప్రభుత్వం తెలంగాణ సమస్యను త్వరలో పరిష్కరించడానికి కట్టుబడి ఉందని దీక్ష విరమించాలని ఆయన విజ్ఞప్తి చేశారు. అయితే బాపూజీ ఆయన విన్నపాన్ని సున్నితంగా తిరస్కరించారు. స్పష్టమైన ప్రకటన చేసే వరకు తాను దీక్ష విరమించేది లేదన్నారు. భారతీయ జనతా పార్టీ సీనియర్ నేత నిర్మలా సీతారామన్ కూడా బాపూజీని కలిసి తమ మద్దతు ప్రకటించారు.

అంతకుముందు తెలంగాణ ప్రజా ఫ్రంట్ నేత గద్దర్ బాపూజీ దీక్షకు మద్దతు పలికారు. ఈ సందర్భంగా ఆయన మాట్లాడుతూ తమకు సామాజిక తెలంగాణ కావాలన్నారు. తొంబైయేడేళ్ల బాపూజీ దీక్షను అందరూ ఆదర్శంగా తీసుకొని తెలంగాణ కోసం ఉద్యమించాలని పిలుపునిచ్చారు. కాగా బాపూజీ దీక్షకు కాంగ్రెసు ఎంపీలు కె కేశవ రావు, పొన్నం ప్రభాకర్, రాజయ్యలు సంఘీభావం ప్రకటించారు.

English summary

Konda Laxman Bapuji rejected Congress senior leader Oscar Fernandes's appeal. Oscar promised him that party is trying to solve problem.