లగడపాటి! తగ్గు, వెనక్కి తీసుకుంటే వెళతాం: గండ్ర

హైదరాబాద్: మాజీ మంత్రి కోమటిరెడ్డి వెంకట్ రెడ్డి తమపై చేసిన వ్యాఖ్యలు తీవ్రంగా బాధించాయని కాంగ్రెసు పార్టీ శాసనసభ్యుడు గండ్ర వెంకట రమణా రెడ్డి గురువారం అన్నారు. తమపై ఆయన చేసిన వ్యాఖ్యలు ఉపసంహరించుకుంటే వెళ్లి మద్దతు తెలుపుతామని చెప్పారు. ఆయన వ్యాఖ్యలు తమను అవమానించే విధంగా ఉన్నాయన్నారు. విజయవాడ పార్లమెంటు సభ్యుడు లగడపాటి రాజగోపాల్ తన పరిధులు దాటి మాట్లాడుతున్నారని విమర్శించారు. తమకు వీలైతే రచ్చబండ కార్యక్రమంలో పాల్గొంటామని చెప్పారు.

కోమటిరెడ్డి వెంకట్ రెడ్డి వ్యక్తిగత ఇమేజ్ పెంచుకోవడం కోసమే నిరవధిక దీక్ష చేస్తున్నారని మరో సీనియర్ నేత పాల్వాయి గోవర్ధన్ రెడ్డి వేరుగా అన్నారు. ఆయన దీక్ష తెలంగాణ కోసం ఏమాత్రమూ కాదన్నారు. తెలంగాణ కోసం ఏర్పాటు చేసిన కాంగ్రెసు స్టీరింగ్ కమిటీ సరిగా పని చేయడం లేదన్నారు. తమ పార్లమెంటు సభ్యులు ఒంటెత్తు పోకడలకు వెళుతున్నారని విమర్శించారు. తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుతో సహా ప్రజా సంఘాలన్నీ తెలంగాణ కోసం ఉద్యమించాలని కోరారు.

English summary

Congress mla Gandra Venkataramana Reddy suggested Vijayawada MP Lagadapati Rajagopal that to do not cross his lines. He also demanded Komatireddy Rajagopal Reddy withdraw his comments.