హరీష్ రావు వైయస్‌తో మాట్లాడలేదా?: జగ్గారెడ్డి

By Srinivas

Published: Thursday, November 3, 2011, 19:50 [IST]

మెదక్: తెలంగాణ రాష్ట్ర సమితి సిద్దిపేట శాసనసభ్యుడు హరీష్ రావు, మరో ఎమ్మెల్యే రామలింగా రెడ్డి ఆ పార్టీ అధ్యక్షుడు కల్వకుంట్ల చంద్రశేఖర రావును వదిలి కాంగ్రెసులోకి రావడానికి దివంగత ముఖ్యమంత్రి వైయస్ రాజశేఖర రెడ్డితో మాట్లాడిన విషయం వాస్తవం కాదా? అని సంగారెడ్డి కాంగ్రెసు శాసనసభ్యుడు తూర్పు జయప్రకాశ్ రెడ్డి(జగ్గా రెడ్డి) గురువారం మెదక్ జిల్లాలో ప్రశ్నించారు. ప్రభుత్వం నిర్వహిస్తున్న రచ్చబండ కార్యక్రమం తర్వాత తాను జిల్లా వ్యాప్తంగా పర్యటిస్తానని దమ్ముంటే అడ్డుకోండని సవాల్ విసిరారు.

కాగా టిఆర్ఎస్ వైఖరిపై జగ్గారెడ్డి పలుమార్లు విరుచుకు పడ్డారు. గతంలో టిఆర్ఎస్ అధినేత కల్వకుంట్ల చంద్రశేఖర రావు తన నియోజకవర్గానికి రాకుండా అడ్డుకునే ప్రయత్నాలు చేశారు. ఆ తర్వాత సందర్భం వచ్చినప్పుడల్లా కెసిఆర్, టిఆర్ఎస్‌పై ధ్వజమెత్తుతున్నారు. తాను ఎప్పుడూ తెలంగాణకు వ్యతిరేకం కాదని తెలంగాణ సెంటిమెంటు పేరుతో ఉద్యమం ముసుగులో ప్రజలను మోసం చేస్తున్నారని ఆరోపించారు.

Published On November 3, 2011