చట్టం తన పని చేసుకుపోతుంది: జగన్‌పై శంకరరావు

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి కేసు విషయంలో చట్టం తన పని తాను చేసుకు పోతుందని చేనేత, జౌళి శాఖ మంత్రి శంకరరావు గురువారం కర్నూలు జిల్లాలో అన్నారు. ఇటీవల ముఖ్యమంత్రి కిరణ్ కుమార్ రెడ్డి సమీక్షా సమావేశానికి తాను ఎందుకు హాజరు కాలేదో తర్వాత వెల్లడిస్తానని చెప్పారు. తిరుపతి శాసనసభ్యుడు చిరంజీవికి త్వరలో కాంగ్రెసు పార్టీలో మంచి భవిష్యత్తు ఉంటుందన్నారు. తెలుగుదేశం పార్టీ అధినేత, మాజీ ముఖ్యమంత్రి నారా చంద్రబాబు నాయుడు హైటెక్ యుగం కంటే రైతు యుగమే మంచిదని గుర్తించారన్నారు. బాబుకు ఇప్పటికైనా కనువిప్పు కలిగిందన్నారు.

తెలంగాణ, రాయలసీమ ప్రాంత వాసులు అన్నదమ్ముల్లా కలిసిమెలిసి ఉంటామన్నారు. చేనేత రైతుల ఆత్మహత్యలకు సహకార సంఘాలే కారణమని ఆయన ఆరోపించారు. మన రాష్ట్రంలో తప్ప దేశంలో మరే రాష్ట్రంలో రైతుల ఆత్మహత్యలు లేవన్నారు. చేనేత కార్మికులకు మధ్యాహ్న భోజన పథకం అమలు చేస్తామన్నారు.

English summary

Minister Shankar Rao said today that Chiranjeevi will get good future in Congress Party soon. He continued that TDP chief Chandrababu Naidu learned a lesson.